مش هاقولك
مش هاقولك لما شوفتك قلبي كان حاسس ب إيه
إسألي قلبك يدلك ع إللي قلبي حس بيه
اطلقي الأحلام لفكرك وهو يعرف حس إيه
قلبي ماشي زي ضلك والورود ما بين ايديه
في إنتظار نظرة منك والعيون تيجي ف عينيه
ومش هاقولك ياحياتي الورد وشوش قالي إيه
قلبي شايفك شاف شفايفك قالي سيبني أبوس ايديه
مش هقولك لما شوفتك قلبي كان حاسس ب إيه
لما شوفتك شوفت كل الدنيا وردي
والنجوم ترقص باليه
والقمر بيداري نوره
من جمالك برضه ليه
حتى شمس الضهر غابت
من كسوفها
كل ضوء بتداريه
إنت نور كل الأماكن
يبقى تطلع شمس ليه
لما شوفتك شوفت كل الدنيا حلوة
كل كلمة بتنطقيها
بتيجي عندي تبقى غنوة
غنوة من كلمة بحبك
لما كنتي بتقوليها
وقلبي لما سمعها منك
حس روحي طايرة بيها
وأشوف آثار الشوق في قلبك
وتمدي إيدك تحضنيني
ويتوه خيالي ف وصف حبك
ووصف شوق قلبي وحنيني
يا حياتي أنا أعمل إيه
وإنت غاببة عن عينيا
ياحياتي تهجريني بس ليه
وليه ما بتحنيش عليا
قولي ليه القسوة ليه
ومش هاقولك ياحياتي
لما شوفتك قلبي كان حاسس ب إيه
وهبه البوهي
شكرا لكم على التوثيق
ردحذف