كتب الشاعر/ ابو سريع إسماعيل ¥الاختيار صعب ¥

................ .....الاختيار صعب

عايز عروسة يا خلق......... لأبني    مش    ليا

مهيش  جوازه   سلق....... ولا توم في ملوخيه

وتتبلع   م     الحلق  ........أدب          وتربيه

عروسة عرض وطول.........وتبتسم  علي طول

وكمان   بخفة    دم......... ..حورية  بنت  أصول

..............أوصافها فين ف الخلق
..............عايز   عروسة  يا  خلق

جوازه من  غير  حب......... بطيخة         مقفوله

والاختيار  بقي  صعب.... ....وابني  في  سنه  أولي

ملوش  في لف ولعب............عايشها         بسهوله

خلاني   خُفت   عليه............ واشوفله  يرضيه  إيه

والخالق       المعبود...............يرشدني  أعمل   إيه

................أوصافها فين في الخلق
.................عايز  عروسة   يا  خلق

نروح   لناس   معرفه.......... والا   لناس    أغراب

نصيحة   فيها    وفا.............منكوا  ياعز  احباب

عايز   حمامة     صفا...........مش وش وش غراب

أصل الجواز مش يوم.......... ولا   اتفاق    ونقوم

لو بيت أساسه ضعيف......... يغرق في أول عوم

..................أوصافها فين في الخلق
..................عايز   عروسة  يا  خلق

الشاعر/أبوسريع إسماعيل