كتب الشاعر/ خالد سعد .. ما تفارقيش ..

ما تفارقيش
حبيبتي .. كتير وحشتيني
وحشني نظرة عيونك
ولهفة بشوفها في النني
وحشني كام سؤال منك
حبيبي ازي اخبارك ؟
وقل لي آخر أشعارك ؟
ومين واخدك بقي مني ؟
تلاقي الدمع ملى عيني
فتجري عليا تحضني
تطبطب بايدها علي قلبي
فحس بحبها يعيني
وتضحك تاني وتقلي
خلاص روق بقي واضحك
خلاص مش هسألك تاني
م انا فهماك وحاسه بيك
وكل المستخبي بان في عنيك
فقلي انت ولا تخبيش
بلاش تسكت متوجعنيش
خلاص هحكي :
انا محتاجلك هنا جنبي
فمتسبينش
فراقك جرح قاتلني
وفي وجودك راح أرجع أعيش
      ف ما تفارقيش
خالد سعد
21/2/2020