كتب الشاعر/ محمود عمار الزلباني ... الصرخة ...

الصرخة
ـــــــــــــــــــمحمود عمار الزلباني
كسرت باب الغرفة
بخبطة بيد الهون
شايله معاها شوية
ميه
صرخت صرخة عفية
هزت كل حيطان البيت
لأمتى هانفضل كده نايمين
لأمتى هانفضل منسيين
راس الشمس
طالعة لفوق
بعد حمل سنين
لسه بريئة
صرخ الديك قبل طلوعها
اتولدت شمس جديدة
بتبكى
لكن لسه بنت امبارح
اللى خطفت كل حكاوى
الطفل السهران
علشان يسمعها
أما الراوى فاردضهره
جنب الطفل
مستنى ميلاد الشمس
اللى خطفت حكايته زمان
كبرالطفل
وعاوز يشرب أى حكاية
صرخت تانى صرخة عفية
هزت بيها قلب الطفل
عايزتشرب
اّدى المية
كانت دم بيجري
فى الشريان
أصبح مية
يغرق فيها أى سلام
-----------------------محمودعمار الزلبانى