كتب الشاعر/ خالد عبد المعطى ... دايره لينا والا بينا ...

دايره لينا و ا

لا بينا
و عمرنا أصبح طحينك..
..
لما صار السوس مالينا
و راح زمانا و ولى حينك..
..
اتركنتى و صرتى زينه
و لا هما مريحينك..
..
يا حجر دايس علينا
همى بالطحين يا خاله..
..
الغبار ضلم عنيننا
و قسمتنا طلعت كوم نخاله..
..
ارض بايره و ساقيه دايره
و حال دوامه استحاله..
..
و خلق ماشيه جروحها غايره
و روحها صبحت ع الحياه
و الدنيا عاله..
..
سكتوا ياما و قالوا ياما
و السلامه
فى السكات مش فى القواله..
..
فاطحنينا و ريحينا
و اهرسينا بحجر سنينك..
..
همى بالمكتوب علينا
ما فى لوم و لا شئ يدينك..
..
ما احنا اللى الصبر دينا
و انت اللى القسوه دينك..
..
و احنا اللى هجرنا طينا
و افتكرنا أننا هنكون فى عينك..
..
و اكمنه كان العشم زايد مالينا
طحتى فينا
و خلتينا لقمه للى ملوعينك..
..
ما احنا قمحك
و خدنا على قسوة ملامحك..
..
هقولك ايه الله يسامحك
و يهون الجرح اللى فينا..
..
ملتينا
و خلتينا
عمرنا أصبح طحينك..
..
و لما صار السوس مالينا
راح زمانا و ولى حينك..
..
#خالدعبدالمعطى