كتب الشاعر/ عبد الحميد السماحي ... أمنت بالله ...

أمنت بالله
بقلمي
أمنت بيك يارب
سبحانك فالق الحب
نزلت الميه عالنار
ووضعت فى قلبي الحب
الطيور عالشجر
تاكل منين ماتحب
الحبه صارت شجره
والحبه صارت أردب
النطفه صارت علقه
والعلقه صارت أب
أمنت بيك يارب
البحر جواه سمكه
بتسبحك عن قرب
تمد فينا نورها
بالذكر فينا تصب
قلوب بالذكر تشفى
بتسبحك عن حب
الديك الفجر يأذن
يصحي كل شعب
اليمامه فينا تنادي
قوم وحد الرب
والنمله وتخزين قوتها
ومخالب وناب الدب
الزهره وتفتيح لونها
والشبل وهو بيشب
أمنت بك يارب
البيضه لما تفقص
والقشره ترتمى على جنب
بنى أدم لما يعطس
بيشهد لك يارب
تعرفنا فى أى فرحه
وفى أى حالة كرب
الموجه تعلى وتهبط
والرغيف بالفرن يقب
سبحانه أنزل لنا الميه
وصرف فينا الأكل والشرب
الحجره للدوده تطعم
والدوده للحرير تنحب
والموت لنا عظه
ساعتك فى النعش أركب
أمنت بك يارب
الجو ساعة العصاري
والشمس وهى بتغرب
والقمر وليل السهارى
والحياه وهى بتشطب
والفكر اللى سارح وشارد
والعقل وهو بيعقب
الدنيا عندك ماتسوى
الكافر لشربه مايشرب
أمنت بيك يارب
بقلم
عبدالحميد السماحي
محافظة كفرالشيخ
قرية الشمارقه