كتب الشاعر د. سمير خليل .. كلاكيت ١٥ قالوا وقلت ..

------------+++ كلاكيت (١٥)قالوا وقلت +++-------------

قالوا : ليه فُلان قارِش مَلحِتُه
قلت : عَمايْلُه ما يْطِيقْها  بُق ولا تِهْضِمْها مِعْدِتُه

قالوا : تِجْرِى يابْن ٱدَم جَرْى الوُحُوش غِير رِزْقَك لم 
           تُحُوش
قلت : لازَِم يِسْعَى  عشان يِشوف اللى على الجِبِين 
           مَنقوش

قالوا : ما يمْسَح دمعِتَك غِير إيدَك
قلت : عِينَك بَصِيرَه وإيدَك مِش قَصِيرَه لمَندِيلَك

قالوا : الفَتَى مَن قال ( أنا ) لها الهَوِيَّه
قلت : أمِّتنا العَربيَّه (نحن)جَمْع (أنا) وليْسَت فَتِيَّه

د. سمير خليل