( حال اللغة العربية ) م /عبالحميد سالم
وف يوم اللغة العربية الفصحى
قوم ياعربى من نومك واصحى
ولا خلاص مش مهم تقرا وتكتب
وع النت مقضيها بتنام وبتصحى
**
ياترى لسة فاكر كان وأخواتها ؟
وحروف الجر مبتجيبش سيرتها
حالها بقى لا يسر عدو ولا حبيب
لحد م الجهلة بقوا للأجيال قدوتها
**
بقى لغتنا ولغة القرآن تهملها
وع اللغات الغربية تجري تتعلمها
لاا فضلت شرقي ولا بقيت غربي
دي لغتنا مفيش ولا لغة ف جمالها
**
لغتنا بقى الحال فيها من أحوالنا
مبني على النصب زي كل امورنا
اصحى ياعم متقولش صفتنا وتعتنا
كان ماضي والحاضر أمريكا بتأمرنا
**
ويا أهل اللغة العربية يا نايمييين
شوفوا الكيان عمل إيه ف فلسطين
بقى هو
الجار واحنا بعارنا المجرور
يخلص من بلد نقول الدور على مين
ليست هناك تعليقات:
إرسال تعليق