القلب إللى أنا شيلتك فيه
بهدلته ..... وطلعت عنيه
لسه الشوق جواه متخبى
ويعلم ربى أنا كنت أدعيه
يجعل نبضه يكون على قدى
مايبصش على واحده تعدى
وقلبه من ناحيتها يصدى
حتى إن كانت تشبه عبله
تطلع هابلة فى ننى عنيه
قلبى الطيب محتاج ليك
ومادام يعتب يبقى شاريك
لو قلبك مش عايزه شريك
يبقى خلاص الله يهديه
أنا قلبى ما يعرفش يغش
لكن قلبك له 100 وش
روح دور لغرامك على عش
مش قلبى إللى ح تسكن فيه
سعيد الضو
ليست هناك تعليقات:
إرسال تعليق