براء
تي...........٢٠٢٠/١١/٢٩
اتاريه بيحبك جدا
ومثل الدور حقيقي
وقعني في وهم حبه
وذوق كل طريقي
فرحت كتير ساعتها
وطرت زي الملاك
كل احلامي لقيتها
بس وانا وياك
ما خلنيش أحس بغربة
معاه ابدا خالص
وبكل حروفه العذبه
براعة الحب مارس
وانا طبعي اني حساسه
وبتوه من كلمتين
ما توقعت منه خباثه
ولا انه من الخاينين
هو الحب لعبه
ومشاعر الناس دي ايه؟
وازاي قدر بقلبه
وقلبي فاتت عليه
هتقابلني ازاي تعالى
نفسي اشوف وشك
ما اتوقعت استحاله
ان ده رسمه لغشك
موش هندم؛ اد ما أندم
لو عشت بدون ما اشوفك
ضيعت سنين من عمري
الباقي فدا شوفك
كروكي وشك الكداب
ما بيفارق مرة خيالي
موش فارق معاك عتاب
ولا عاد شغلك حالي
طب ليه وطموحك ايه
وايه فايدة كسر قلبي
لو غدر بيك في مرة
قولي انك تستحقي
برائتي؟!... تستحق كده
ولا اقول هي النية
طول عمري بنية صافية
والظاهر انه عيب فيا
مطلوب مني اعالج
فيا كل العيوب
انسي حكاية براءة
واعطيله فرصة يتوب
كل حرف بينكتب
اليوم خلاص محسوب
حضرت شخص الجراءة
ومن هنا بدأ المطلوب
اعيش وأنسى الطيابة
علشان بينكم اكمل
ملعون ابو الخيابة
معليش يا قلب اتحمل
م اليوم شوفو الاسية
والشر مالي العيون
لا رحمه ولا حنيه
حتى لو من تكون
بقلم #محمدلطفي_ابوالفتوح
ليست هناك تعليقات:
إرسال تعليق