هجرتني وقلبي جوايا انكسر
سبت فراغ مليان بجراح
هنت عليك وقلبك حجر
أخدت معاك كل الأفراح
* * *
حبي عدى حدود البشر
كأنه طير بدون جناح
قلبي ياما عليك صبر
وعاش الحب معاك سواح
* * *
كنت طول الليل افتكر
إزاي قلبك سابني وراح
سهرتني ويا النجوم والقمر
خليتني أنسى نور الصباح
* * *
سألوني هوا الحب قدر
رديت قلت العذاب متاح
وإيه للحب راح افتكر
والقلب أبداً ما ارتاح
*. *. *. بقلمي
منتصر عبد رب النبي *. *. *.
ليست هناك تعليقات:
إرسال تعليق