أم التاريخ
يا سنيني هدي الخطاوي هدي
أنا كنت ف زماني ما حدش كدي
العودِ مرسومي
والحظ مقسومي
والهنا ليه أنا وحدي
أنا كنت النخل ف العالي
والحُسن مالي وكرداني
ومد أيدي بالكرم
والعطا يحلى لي
...........................
مرت سنين طوال
مشوار طويل
بين الهنا والضنا
ومن حال لحال
اتغيرت لحوال ( الأحوال )
في أول القول
فرق بيني وبين وليفي عزول
وساب لي خمسة م البنين
.........................
أولهم يا ولداه
راح في الطريق تاه
يسأل على ربه
قال له الدليل
ياريت تكون كده
حب الإله
والجنة والجاه
تقدم الجسد
والروح وياه
ومعاك حبة بشر
أنت في الجنة
وهم جراد وانتشر
......................
وتانيهم يا كبدي
عالي المقام زين
رافع الهامة بين النجوم
حارس الموادن والتخوم
حرم على نفسه الغفلة والنوم
تالتهم قالوا له العدا
أخوك طماع
له ألف وش وألف قناع
أحصد منه الحياة
توهب لك النجاة
...............................
أما رابعهم والخامس
واحد عنتر
والتاني أبو الفوارس
كل واحد فيهم قاري كتير ودارس
يدس السم في العسل
والناس تشهد له
حديتكَ زين
كلامكَ وصل
......................
أنا مصر يا ولداه
أنا أم العاصي واللي تاه
أنا أم الجاني واللي تاه
أنا أم التاريخ والجاه
أنا اللي كتب على وجهي الإله
الحامي ليكِ أنا معاه
سنا الشرق
ليست هناك تعليقات:
إرسال تعليق