ردا علي رائعة أ. اسماعيل عبدالهادي
¥معلش يا قلبي¥
ورائعة أ. Safaa Elkhawaga
⚘كلك ظلم⚘
🌸🌸🌸🌸🌸
قصيدتى المتواضعة
"ليه تهجرنى"
---------------------------------
ياللى فايتنى وعايش وحدك
ليه تهجرنى وتخنق حبك
ليه تنسانى وتنسى غرامى
بعد سنين عشتها وانا جنبك
ليه بتعذب فيا ياقاسى
ليه تجرحنى وتجرح قلبك
ياللى فايتنى وعايش وحدك
ليه تهجرنى وتخنق حبك
هو الحب ف عُرْفَك إيه
إياك تلعب بيه لَ يلاعبك
إوعى تلاوع فيا وتغدر
خلى صراحتك تغلب كذبك
إوعى تخلى العند يسوقك
تلقى الهم راكبنى وراكبك
ياللى فايتنى وعايش وحدك
ليه تهجرنى وتخنق حبك
يلا تعالى عشان مشتاقلك
كل منايا اتهنا ف قربك
إفتح قلبك للى يحبك
يجرى الحب عليك ويصاحبك
لما تعيش والحب في قلبك
ينزاح همك.. ويزول تعبك
ياللى فايتنى وعايش وحدك
ليه تهجرنى وتخنق حبك
------------------------------------
بقلم : م/ محمود الحريرى
ليست هناك تعليقات:
إرسال تعليق