همسة حب :
♥ ♥ ♥ ♥ ♥ ♥ ♥
عينيكى آية من الخلاق
مشتاق أنا ومليان أشواق
إبعد بعيد أوى أوى يافراق
خلينى اشوفها ..ولو ثانية
♥ ♥ ♥ ♥ ♥ ♥ ♥
فيهم هوى وأشواق وحنين
أشهد انا..ماكانوش قاسيين
وفسروا إحساس قلبين
ساعة لقا...لفوا الدنيا
♥ ♥ ♥ ♥ ♥ ♥ ♥
قالت لى ..إوعى تقول فى كلام
يمكن .....هاتجمعنا الأيام
ونعيش حقيقة ..موش اوهام
سجل غرامنا ...فى أغنية
♥ ♥ ♥ ♥ ♥ ♥ ♥
لقيت فى قلبى شوق وكلام
مايكفى ليه كل الأقلام
حدوتة اجمل م الأفلام
قصة جميلة رومانسية
♥ ♥ ♥ ♥ ♥ ♥ ♥
افرح ياقلبى وعيش فى سلام
بقيت خلاص فارس احلام
رمش وعيون بنت السلطان
ليك م السما أغلى هدية
♥ ♥ ♥ ♥ ♥ ♥ ♥ ♥ ♥ ♥
يوسف الخواجه
ليست هناك تعليقات:
إرسال تعليق