كتب الشاعر/ عادل عوف .. الدنيا إيه لزومها ..

الدنيا ايه لزومها
في فرحها او همومها
من غير احباب معاك
يفرحوا لما تفرح
ولما الدنيا تجرح
يبقوا إزازة دواك
حافظين سرك و طبعك
عارفين قيمتك و وضعك
وفي عين الضعف صابعك
وبتقوي تملي بيهم
انا عشت وحيد سنين
الفرح ماحستوش
والحزن كان يوماتي
يجرر في النعوش
اغرق في دمعي مره
وأدارى جوه جره
والله مصيبته حاره
اللي مالوش ونيس
و يقاسه فى كل حاجة
حتي في ساعة السكات
مش لازم يبقي يعني
له نفس الصفات
كفايا يكون في ضلك
من غير مايخون ويضلك
من نظره يكون واصلك
وشريك في الذكريات

                 #عفويات
        #عادل______عوف