كتب الشاعر/ محمود عجور .. يا الله ..

يا الله ما أجملك
بالدني كلها ما بدلك
إنت بقلبي الأميرة
وانا اللي قلبك ملك
دخيلوا ربي ياللي صورك
ومن عتم الليل بالكحل كحلك
القمر خجلان من رقتك
 والنجم عالباب ناطر طلتك
ومن الشمس إسوارة بتلبق إلك
وموج البحر يتمايل من غمزتك
حبيبي يا بلح شامي
دقات قلبي وغرامي
يا حلم دنيتي وحنيني
يا فرح أيامي وسنيني
بردان أنا بحضنك إنت دفيني
ومن قلبك أبد لا ترميني

يا بلح شامي
بقلمي محمود عجور