كتب الشاعر/ خالد عبد المعطى .. يتيمة الروح ..

يتيمه الروح فى بعادك
و بعدك قلب قلبى جريح..
..
غيطان بالجرح مزروعه
بتطرح قسوه مشروعه..
..
و فى كونى الفرحه ممنوعة
بامر صريح..
..
يا اقسى م الالم نفسه
يا امل القلب و لون يأسه..
..
يا هادمه مدن الهوى فى قلبي
و بانيه لقلبى فيكى ضريح..
..
انا منك انا ليكى
انا اللى بعمرى افديكى..
..
انا الدايب غرام فيكى
و على اعتابك فؤادى جريح..
..
بذور احلام رميناها
و رسمنا عمرنا معاها..
..
رعاها القلب و رواها
و فى الاخر طواها الريح..
..
يتيمه الروح فى بعادك
و بعدك قلب قلبى جريح..
..
#خالدعبدالمعطى