كتبت الشاعرة / فاطمة عبد الشافي .. إسمحيلي ..

((( **إسمحيلي **)))
     ؛؛؛؛؛؛؛؛؛؛؛؛؛؛؛؛؛؛؛؛؛؛
إسمحيلي أقولك كلمه
ومني إسمعيها !!!
لأن هيجي اليوم
اللي فيه هتحتاجيها
فاسمعيها مني كويس
وجوه  منك إحفظيها!!!
الإنسان اللي قالك باحبك
ياااااما قالهالي قبلك
وكنت فرحانه بيها !!!
وعشت يامااااا أرسم
فى دنيا حلوه جميله
كتير كنت حلمت بيها
فإفتكري كلمتي كويس
وإوعي فى يوم تنسيها
قالك باحبك وأتمني أقضي
     عمري جمبك!!!!!
وإنتِ بكل سذاجه صدقتيها
هي

كلمه ليها سحرها عارفه
بسرعه توصل للقلب !!!!
بس قلبي حبيبتي إنكوى بيها
وغدر القلب يوجع خصوصا
لما تحبي وتخلصي !!!!
ويكون هو الدنيا ومافيها
أوعي تكوني نمره فى أجنده
وبإيدك تكتبيها !!!!!
إلحقي حبيبتي وإنقذي روحك
وبسرعه فوقي وإمسحيها
          كلمااااتي
    فاطمه عبد الشافي