كتب الشاعر/ أحمد شكري .. بياع الهوي..

قصيدة بعنوان
(بياع الهوي)

ابيع الهوي
ابيع الحب
ابيع الغرام
مين يشتري
يا ولاد الحلال
عندي هوي
يطفي نار الجوي
والشوق
وعندي نسيم عليل
دوا لكل عاشق
      عليل
هوي قبل اليوم
لا هب ولا جري
مين محتاج يا
      تري
هوي جديد
تعيش حياتك
معاه سعيد
هوي يمشي مع
      هواك
هوي عمره ما
     يعصاك
اشتري مني
هوي يناسبك
   ويهواك
وعندي حب
يناسب كل قلب
وكل قلب ليه في
الحب مقاس
اشتري وحب يا
ابن الناس
الحب رسول
الود والمحبة
بين الناس
الحب كتير عندي
اشتري مني ونقي
اشتري ومتخافش
الحب امان
اطمن متسالش
الحب هو الروح
في الإنسان
اشتري وهكرمك
كل حب عليه
حب زيادة كمان
وعندي غرام
يا ولاد الحلال
مستورد من
بلاد الاحلام
للحبايب مخصوص
وللغلابة كمان
اشتري واتهنا
ليه تنسي نفسك
مع الايام
انا ابيع
وانا المحتاج
في قلبي حب كتير
لكن انا المحروم
امتلك بحر من الهوي
يروي كل الناس
ابيع وانا اللي
محروم الكاس
عجبي على ابن آدم
عاش حياته
بلا هوي وبلا حب
      وبلا غرام
معقولة يا ناس
يبقي ده زينا
       إنسان ؟