كتب الشاعر د. سمير خليل .. كلاكيت ١٤ قالوا وقلت ..

------------+++ كلاكيت (١٤)قالوا وقلت +++-------------

قالوا : فُلان دا بمِيت وِش ووِش
قلت : مِنِين لِيكُم مِيت عِين تِفتِّش ورَاه وتدِش

قالوا : يامَا ناس جِيبْها انْضَف من الصِّينى
قلت : ولو مَخْروم حَتْقول عَليه إيه يا عِينى

قالوا : التَّعْليم فى الصِّغر كالنَّقْش على الحَجَر
قلت : لكِن لا الحَجَر بيِكْبَر ولا الحَرْف مَهْما كَتَر

قالوا : يا نَحلَه لا عايِز مِنِّك عَسَل ولا تُقْرِصِينِى
قلت : لا للتَّواكُل دا عسَلها لينا الشِّفا وقَرْصَها يداوِيك
          ويداوِينِى

د. سمير خليل