😪كانت لمة😪
لمة وهيصة وبيت فرحان....
ضحكة تلّف وأحلى مكان....
كانت لمة ترد الروح....
ليه فرقت الناس يا زمان.....
.....
كانت أمى طلة ونور....
حكمة وحب يملى بحور....
لما بنفرح كانت تفرح....
لما بنحزن تبكى شهور....
.....
أما أبويا ده حد كبير....
طيبة وهيبة وحب وخير....
لما بيرحل أبوك بتلاقى....
طعم الدنيا بيصبح غير....
.....
إشبع منهم قد ما تقدر....
بكرة تدوّر مش هتلاقى....
قرّب منهم أكتر وأكتر....
أصل رضاهم هو الباقى...
علاء محمود
ليست هناك تعليقات:
إرسال تعليق