...*( مصر اكتوبر )*...
*********
طول عمرك يا مصر عايشه
شايله الهموم جواك
زي السفينه الراسيه
بشراع يمشي علي هواك
لا موج يكسر مجاديفك
ولا ليل يخوف قبطانك
تسلمي يا ام العروبه
تسلمي ويسلم حماك
تسلمي ياللي عبرتي وانتصرتي
بعد صبر وانتظار
لما قام جيشك وعدي
ع القنال عز النهار
تسلمي ويسلم شهيدك
اللي شق الارض نار
وقال يا سينا مش ح اسيبك
ليك عندي ألف تار
قام وضحي بنبض قلبه
لجل يفرح بيه تاريخك
ويكتب اسمه ويتباهي
زي النخل ف ضفة نيلك
*( تحيا مصر)*
**************
بقلمي/اسماعيل عبدالهادي ابوالعلا
ليست هناك تعليقات:
إرسال تعليق