نصر أكتوبر
ف عز الإنكسار
إتولد الإنتصار
جاب العبور نور
الليل أصبح نهار
إتفتح ف السما مجال
الطيار المصري طار
دق حصون المحال
خلاها ف لحظه نار
القناه قالت للرجال
عَدوا إغسلوا العار
هِدوا جبال الرمال
بعرقهم الرمل إنهار
كانت القلوب مؤمنه
مِتسلحه بكتاب ربنا
صَيحتهم الله اكبر
زلزال دمر عدونا
نسفوا خط بارليف
المنيع أصبح خفيف
سلاحهم كان ذكائهم
المستحيل بقى ضعيف
الإسطوره عبد العال
اللي صاد الدبابات
كان بطل عال العال
لأنه دمر العشرات
أكتوبر مع رمضان
شِهور .... الإنتصار
نَسونا .... الأحزان
من بعد أخد التار
مصر مصنع رجال
ولاده ف كل مجال
بدل الشهيد مليون
أبطال من ضهر أبطال
هيه دي مصر بهيه
مذكوره ف القرآن
محفوظه أم الدنيا
بإسودها طول الزمان
يوسف أبو زينة
6/10/2024
ليست هناك تعليقات:
إرسال تعليق