"وعد ومكتوب"
-------------------
وعد ومكتوب تتلاقى قلوب
من غير تدبير مع بعض تدوب
لو يوم خطينا في أي طريق
على طول بنقول.. وعد ومكتوب
وعد ومكتوب.. أمرنا محسوم
نمشي المشوار في طريق مرسوم
نشكر ربنا مهما جرالنا
واحنا على يقين.. رزقنا مقسوم
وعد ومكتوب في سجلاتنا
يفضل موجود طول أوقاتنا
ونصيبنا لزماً هيصيبنا
وأكيد بيأثر في حياتنا
وعد ومكتوب ملناش حيلة
عمرنا محسوب يوم ورا ليلة
وعد ومكتوب وهيتحقق
مهما تكون السكة طويلة
وعد ومكتوب على كل جبين
ولابد ف يوم هتشوفه العين
ويارب يكون مكتوب لنا خير
مهما هيحصل.. هنكون راضيين
----------------------------------------
بقلمي؛ م/ محمود الحريري
ليست هناك تعليقات:
إرسال تعليق