يا ولدي هي موتة
مهما كان الإختلاف
هتموت بدانة وبطلقة
أو جوه عربية اسعاف
ما هو مفيش في العمر سرقة
والمكتوب لازم ينشاف
ف ماتخليش حاجة فارقة
واوعى من كلاب تخاف
اضربهم بقوة وفردة
واصمد لوحدك وانسى الإلتفاف
ما تنتظرش عروبة شارده
وشعارات كلها اخفاف
خلي ايدك لأرضك مالكه
مهما كان قصف او انحداف
ارضك دي حرة مش الشركه
وليك لوحدك اوعى تخاف
وسيبك من جامعة البركة
دي ناسها سخاف
بايعينك في دي عركة
وعاملين مدافعين نضاف
وهم بيقسموك زي التركة
وبيلعبوا مع جميع الأطراف
فما تصدقش شعاراتهم الهالكة
ما تخليهمش يلعبوا عليك دور الأشراف
فشد نفسك في دي العركة
وخليك فاكر ان اللي معاه ربه عمره ما خاف
ليست هناك تعليقات:
إرسال تعليق