يرضى مين
مش، مهم البلد
المهم زيك اتولد
بس لقى قلب عليه جحد
يرضى مين
بس بص الصوره
في الغلب محصوره
رغم عليه صغيوره
وتخيل انت تخيل
لو ابنك مكانه
كنت هديت الدنيا علشانه
ربنا معاه يمسح احزانه
يرضى مين
ربنا، عليا يشهد
انا، بلغت بالمشهد
اللي عيني له رات
وللاسف حل مالقت
خلي عيني قبل قلبي بكت
يرضى مين
الحال ده ياموحدبن
خلو بالكو، كله سلف ودين
لما تقف قدام احكم الحاكمين
ويقولك حق الفقير فين
شوف، هتقول ايه
اعمل حساب السؤال ده ياببه
ويرضى مين
ناس تعيش،
وناس اللقمه متلاقيش
وناس تنام على الحرير
وناس تنام على الخيش
وناس كلها أحلام
وناس حتى الحلم متلاقيش
وناس مليها النعيم
وناس مع الدراويش
يرضى مين
جري ايه
وحصل ايه
كلنا بشر ياناس
وليه على الفقير ينداس
من غير رحمة ولا احساس
يرضى مين
متيجو نبقى كلنا واحد
ووحد و الواحد الواحد
ونطرد من بينا الجاحد
والكل يعمل اللي عليه
ونبص على الفقير ونراضيه
وناخد بخاطره ونطبطب عليه
بدل منهينه وندوس عليه
لجل يوفوق ويفرح قبل العمر مايجري بيه
ويحس الناس راضيه عليه
ونطلعه من الغلب اللي ماسك في رجليه
ويرضى مين
ياناس، ياعالم
تاهت بينا خلاص المعالم
مش باين المظلوم من الظالم
ده يصح ياللي بالله موحدين
يرضى مين
يرضى مين ياعرب
لما يحصل ده لاطفال العرب
امتى ياعرب تفوقو
اصحو بقى حرام عليكو
واللي انتو فيه
حاصل ليه
ويرضى مين
بقلم المصري
محمدسليمان
ليست هناك تعليقات:
إرسال تعليق