حكايا العمر
بقلم.. مجدي الجندي
سامعك بتحكي كإنك
كل اللي باقي منك
حكاوي حصاد عمرك
تفضل مابينا حكاوي
لاتعالج ولا تداوي
محتار لكن ناوي
سألت عطار حينا
يوصفلي وصفة للجروح
لجل ماوصفهالك
قالي دواهم روح
طب ما الحكاية دوبتنا
م اللي فيها ومآسيها
زي ماتكون ساكنه بيتنا
وقلوبنا مابتبوح
ايه اخرة المشوار
وحكاوي ليل ونهار
مرة ابتسامة وألم
ومرة لحظة ندم
ماتملي لينا كاس
لجل يكون وناس
مابين حكاوينا
بقلمي....Magdy ELgendy
ليست هناك تعليقات:
إرسال تعليق