مره قلت لقلمي إكتب
قالي
شاور ع الموضوع
قلت له إختار وحدد
حب عايش بين الضلوع
خروج ممنوع
* * *
قاللي ما تزودش همي
أغلى حب حب أمي
عايشه دايماً شايله همي
حبها ساكن في قلبي
ملوش رجوع
* * *
حبيبتي وأغلى حاجه عندي
بيزيد من جوايا همي
واكتر شئ بيعذب قلبي
لما اشوف دمعة عينيها
ببات موجوع
* * *
كل الدنيا بتبقى ملكي
لما تكون مبسوطه جنبي
لو تغيب لحظه عني
تسود الدنيا ف عيني
تِطْفَىٰ الشموع
* * *
مهما يكبر سِنَْها
تلاقيني دايماً جنبها
مقدرش أبعِد عَنْها
أعيش حياتي كلها
ليها خُضوع
* * *
مليش في الدنيا غِيرْها
نبض قلبي وسر وجودي
مين يوصل لِ حَنينها
ياريت يا أيام تعودي
وتْجـِف الدموع
* * *
مهما كتبت مش هوفيلها
حاجه واحده من جمايلها
نقطة ميه ف نهر نيلها
لا حتزودها ولا تنقصها
حُبها مَطبُوعْ
*** بقلمي
منتصر عبد رب النبي ***
ليست هناك تعليقات:
إرسال تعليق