خليني حرف
خواطر
********
خليني حرف بين سطورك
أو نقطة بتقف عندها لما
بتنهي الأسئلة والإجابة
*********************
أنا لما قررت أنهي علاقتنا
كنت خايفه منك وعليك
لأنك دايما متسرع في قرارتك
ومصيرك إنت حددته بايديك
***********************
ضربت بكلامي عرض الحائط
لما في يوم قولتك إحنا واحد
وإن أي قرار لازم نتفق عليه
مع بعض مش من جانب واحد
بيتاخد
************************
ملاقيتش منك غير التجاهل والاهمال
وهو نفس الكلام اللي كل مره بيتقال
ح ندور ونلف وهو نفس السؤال
ليه قررت الإنفصال
**************************
تسمح لي أجاوب لأن اللي بينا
أصبح روتين وإنت اتعودت
إني أكون في حياتك لمجرد
الاحتفاظ بيا كأني تحفه بتكمل الديكور
ولما تزهق منها ترميها لما يجي عليها الدور
*****************************
لكن أنا مش شيء أو قطعة أساس
أنا روح وشعور وإحساس وعايز تبعد
براحتك بس أرجوك يكون بهدوء
وبدعيلك تتهني بحياتك وتروق
#سحر أحمد محمد
ليست هناك تعليقات:
إرسال تعليق