بلبل أفندي (حمو بيكا)
وسع وسع حمو شمندي
جاي بيتطوح سي لفندي
ماشي معاليه بالطول والعرض
ضاربله سيجارة ونص براندي
من الخمارة يخرج ع الحارة
ويجعر قال إيه بيغني
يرقعنا بطقطوقة في ودانا
أو موال من تلحين يني
وبعد الرزع وبعد المغنى
وبعد ماصدعلنا في دماغنا
نقوله كفاية نبوس في دماغك
صوتك حالف ل يجيب داغنا
يستغرب يرفع في حواجبه
كإن الجن الأحمر راكبه
ويقول بنكسر مجاديفه
وإحنا إللي خرمناله مراكبه
ياإما نقوله البلبل غنى
يايلوي في بوزو ويبعد عنا
لأ إبعد أحسن سيبك منا
يابلبل أفندي إرحم في ودانا
غني في حمام بيتكو ياأخينا
وإرقع فيه طقطوقة براحتك
أو كوكتيلة وفخفخ فينا
أو موال على أم بجاحتك
بقلم طارق السيد
ليست هناك تعليقات:
إرسال تعليق