شايل حِملى ومش قادِر
لكن عمرى ما أكون ناكِر
لأفضالهم أنا شاكر
ومش ناسى أنا فاكر
أنا وحدى شايل حِملى
أنا براحتى وحيد عُمرى
ومش تَعبان ولا زعلان
لأنى فى الوجود إنسان
أبويا عمره سَنين شَقيان
أمى دى بحر من الإحسان
فاضت بكل حياتها حنان
وأنا شاهد فى قلبى إيمان
وأنا صغير شالونى زمان
رد الجميل ده من المنان
حمولى كتير ومش قلقان
ربك ساترها معايا كمان
أمى وأبويا أعز الناس
ده مش إحساس
دى فِطره خَلَقها رب الناس
يا أغلى من تقال الماس
شايلكم فوق العين والراس
ومش تعبان ولا زعلان
لأنى فى الوجود إنسان
لأنى فى الوجود إنسان
كلماتى
محمدعبدالوهاب العيوطي
ليست هناك تعليقات:
إرسال تعليق