كتب الشاعر/ صلاح سعد. 🌹هات الشبك 🌹

# هات الشبك #
= = = = = = = =
هات الشبك

يا خال
واكتب قصتى موال
يحكيها انس وجان
فى بحركم حبيت
وعشقت روحى معاك
ولبست ثوب البدر
ونثرت النجوم احلام
ومركبي عايمه
على شط حنيه
وشوق ولا فى الأمثال
وهات الشبك يا خال
دى حوريه من الجنه
مديت لها إيديا
وكلى شوق وغرام
وعشت ليها زجال
وكتبت الأشعار
وهات الشبك يا خال
واسهر معانا فى ليل
يمكن ترد سلام
وتقولي كام كلمه
تحيي قليب ولهان
وترد شوق عطشان
وهات الشبك يا خال
= = = = = = = = = = =
( صلاح الدسوقى سعد )

📷