⚡حيط بيتنا⚡
كبرنا قوام . فى دنيتنا
وراحت كل شلتنا
مابين ميت وبين عاجز
وشكوتنا لحيط بيتنا
***
دي ياما حياتنا ورتنا
وشِلنا الحِمل وتعبنا
بدون شكوى بنتحمل
في جوانا . وحتتنا
***
عمودنا الفقري بقى يشكي
وبيزيق ويئلمنا
وفى عيونا الدموع باتت
بنحبسها !وتغلبنا!
***
بكينا كتير وأحبابنا
فاتونا في ضعف قوتنا
وحتى الأهل.. تركونا
يامين يمسح لدمعتنا!!
***
يارب.. لِيك بنتوجه
ما تحرمنا لعزتنا
دي أيامنا .. وجبروتها
بقوة يارب هزتنا
***
بلاش نتقل على ولادنا
بلاش الضعف يغلبنا
ياريت تنقذنا ..من غُربة
وخلي الجنة موعدنا
***
⚡ بقلمي/ صفاء الخواجة ⚡
ليست هناك تعليقات:
إرسال تعليق