وِوَخِداني على فين
وِوَخِداني على فين وِإيه أَخِرتها وَياكِ
وِمِش قَادر فى يوم أنساكِ
وِإيه ذنبي عَشان رَيِدكِ
عَشان مِش قَادر أَسِلاكِ
وِوَخِداني على فين وِإيه أخرتها وياكِ
وِقَالوا فى هواكِ كِتير
مَوَاويل وِسَموكِ هِبة النيل
وِضِلايه وِزَرِعَايه وِقَصر كِبير
وِقمح كِتير وِسَبعه عِجاف
وِأَكَلتي من البَشر أَصِناف
وِعَلِمِتي على كل إللى عَدى وِطَاف
وِليكِ ولاد هَجَاروكِ بَقوا رُواد
وِفِيكِ عَبِيد وِأَسِياد وِحُسَاد
وِإشِمِعِنَا أنا فِيكِ مَا لِيه حِساب
ولا مَطروح ولا زَايد على أَحِباب
وِمَكسور وِمَضروب وِمقسوم على الباب
وِخَايف مِنك وِخَايف فِيكِ
وِمِش مِطمن أَلاغيكِ وَحَاكِيكِ
على هَمي وِهَماني وِوَخداني على فين
وِظَالمه ولا مَظلومه مَاهيش فَارقه
وَأَنا فِيكِ عَايش حُرِقه
وِمَحروم من اللقمه وِمخنوق
على بَابِك وِمَلعونه دى خَنقه
وِوَخداني على فين ولا فَارقه
وِحَاسس فِيكِ بِالغَرقه
سِبِيني أَموت بَلا فَلقه
شعر
على أبو السعود
ليست هناك تعليقات:
إرسال تعليق