"طقّة رُكبة "
----------------
كبرنا خلاص وعجزنا
وبتقرَّب محطتنا
وحيلنا اتهد وشقينا
وشُفنا كتير في رحلتنا
وشلنا تقيل وخبينا
ودُقنا المر في حياتنا
قضينا العمر بنعافر
وف الآخر ..خلاص شِبنا
.......
بكينـــا.. والعيون دبلت
على العمر اللي عدى وفات
وف صدورنا القلوب تعبت
من الوحدة اللي فيها سكات
فقدنا كتير من الصحبة
بقينا عايشين مع الغربة
فقدنا الأهل والعزوة
فقدنا الصحة والقوة
بقينا نحسب الخطوة
وحركتنا بقت صعبة
ولما نمشي نِتسند
ونسمع طقّة الرُّكبة..
........
مفيش غيرك يا رب معين
يهوّن سكة الرحلة
ويجعل خيرنا في الباقيين
ونهايتنا تكون أحلى
يا رب ارحمنا واوعدنا
تكون أخرتنا فـ الجنة.
------------------------------
بقلمي: م. محمود الحريري
ليست هناك تعليقات:
إرسال تعليق