"رنة خلخال"
----------------
خَلخالها بيعزف أنغامه
على صوت خَطوتها..
وقلوب بتدوب كده قدامه
على صوت ضحكتها
رنته بتصحي الشوق فينا
وتقول حكايات..
والفرحة تنور ليالينا
ومعانا تبات ..
والأرض اللي بتمشي عليها
تصبح بستان..
والنظرة اللي تبان ف عنيها
تِروي العطشان..
رنة خلخالها بنسمعها
أجمل ألحان ...
والضحكة الغايبة ترجعها
مليانة حنان ...
الرنة بتسحر ف قلوبنا
وتدوب الروح..
وتبدل بالراحة تعبنا
وتداوي جروح..
تمشي السنيورة بخلخالها
ورنته ما تروح ..
وهنفضل على طول فاكرينها
وعطرها بيفوح ..
---------------------------------
بقلمي: م. محمود الحريري
ليست هناك تعليقات:
إرسال تعليق