ياللي اعلي ما فيكو خسه
ياللي قلوبكم ف حاجه ماسه
تنجلد بدون محاكمه
مفيش شعور ولا جته حاسه
انتو جايين من أنهى مله
واقفين طابور وراسمينها شله
كأنها حلبة من الملاكمه
ساكنين علالي قصور وفيلا
تتعروا عادى يا فرقة شاردة
مش فارقة بكره من النهاردة
انتوا مداس للإنحطاط
رجل حافيه ورجل فاردة
نسيتوا معنى الانضباط
عم جعجع وعم ظاط
وست لابسه بدون هدوم
معادتش للكلام لزوم
إقروا دينكوا من غير مبالغه
إلبسو لانسس واعملوا زووم
هتلاوقوا دين ودنيا سهله
الكلام علي أنهى سيره!!
شمبانيا . ويسكى. ولاّ بيرة؟
التلح ساده ولاّ سايح
أخدتوا ألف ألف ليرة؟؟؟
ليه بتخلوا الأمر صعب
ليه النعل حاطين له كعب
ليه تشدوا الإنتباه
عقل نايم وعقل تاه
دا انتوا شعب وإحنا شعب
#إيهاب السقا
ليست هناك تعليقات:
إرسال تعليق