🌹كون قنديل 🌹
ابعد عن شره وغني له
أصل اليأس ده شر كبير
خلي آمالك ملو حياتك
تجني الخير والفرح كتير
سيبك م. اللي حياته تذمر
عيش لحياتك زي أمير
أسعى وكافح دايما واوعى
للأحزان دي تكون كأسير
كون قنديل الكل ف ليلهم
دي الأفراح عايزة لها غفير
كون متفائل وأنثر وردك
يملا عبيره قلوب وأثير
واحمد ربك دايما واشكر
تلقى رضاه ممزوج بالخير
🌹بقلمي / صفاء الخواجة 🌹
رداً على رائعة م. محمود الحريري (خليك متفائل)
ليست هناك تعليقات:
إرسال تعليق