"خليك متفائل"
--------------------
إضحك دايما واوعى تكشر
حِب الناس على قد ماتقدر
خليك في حياتك متفائل
إياك تيأس أو تتكدر
إفرح واملا الدنيا سعادة
إوعى ف يوم قلبك يتغير
عامل كل الناس بمحبة
تلقى الناس بتحبك أكتر
سامح واغفر للي يسئ لك
وبلاش تغضب أو تتهور
اتباسط..خليك متواضع
وبلاش تتعالى وتتكبر
إياك يوم تصبح مستهتر
وف أعمالك إوعى تقصر
واذكر ربك طول أوقاتك
نادي عليه دايما واستغفر
بكره الخير تلاقيه قدامك
وطريقك دايما هينَوَّر
-------------------------------
بقلمي؛ م/ محمود الحريري
ليست هناك تعليقات:
إرسال تعليق