الدنيا صاحيه بدري
وبلدناصحت العصر
لو كان طريقنا دوغري
ماناح غراب علي مصر
ولا اتبعتروا الزغاليل
واتهدت العشه
والحال اهو أصبح ميل
مابلاش بقي دوشه
الجو بدري عليل
والنسمه بتزغزغ
واللي بيسعي قليل
والكل بيزوغ
فينك يامصر النيل
بتموت وبترغرغ
ابنك فلاتي عويل
اهو صاحي متدغدغ
دا كلام علي الفطره
هم الفلاسفة فين
بيجيني بالخاطره،
يافرحة السامعين
اكل الدشيش الصبح
بينور الافكار
اما الحشيش الدح
متعبي فيه أسرار
والرك، عا النيه
ياتقوم تصلي الفجر
يا تتخمد وتنام
واستني بعد الصبر
زغاليل ومحشي حمام
ليست هناك تعليقات:
إرسال تعليق