🔥فُرقة مرسومة🔥
عشان أنساك أنا ياما
بعيد عنك عملت حاجات
بعدت حتى عن نفسي
وياما عنها غبت ساعات
***
فى وادي حنين وتوهة
لسه وخداني ومرجعتش
اخبط ع البيبان واسأل
ده منك لسه ! ماشبعتش !
***
سهرت الليل عيون تبكي
على الأحلام وليه ضاعت
على الأيام
.. وموالي
وأحزاني دي ليه عادت!
***
عشان أنساك أنا دايما
بنبض حزين
أعيش اللحظة والثانية
دموع وأنين
***
وعارفة إنه لا بخاطرك
ولا بإيدك بعادك كان
نصيبنا فُرقة مرسومة
ومكتوبة على الجدران
***
🔥بقلمي/ صفاء الخواجة 🔥
ليست هناك تعليقات:
إرسال تعليق