مش باقي مني ع الرصيف
غير يادوب حبة ركام
أنا عشت فيك زي ضيف
و أخرته كانت حطام
لما جيت يوم أخطب عشانك
لبسوا لساني اللجام
يا مطففة في حقي الميزان
و بتوزني لي بالجرام
كرامتي فيك حق الرغيف
و فتوتك ضدي حرام
شال طوفان ظلمك ركامي
و تاهت جثتي وسط الزحام
تاخدني فيكي موجة هموم
و الجسم عريان بلا اهتمام
و الجوع بيقتل حلمي فيكي
و الظلم نديله عافية التمام
يا ام المقامات و الأوليا
انا دمعي جف على الخدود
و غنيت للصبر وياك كتير
و الصبر معاك ملهوش حدود
مش باقي من حلمي شيء
غير عيشة مرة في الاوهام
ان جاتلي من طرفك سعادة
وراها الف حزن ييجو قوام
انا عمري ما بعتك ف يوم
و لا خلعتك توب الاحتشام
ماعدتش باقي شيء سليم
مني غير الحطام و الركام
بدوي محمد
الثلاثاء ٥ مارس ٢٠٢٤
ليست هناك تعليقات:
إرسال تعليق