كان زمان
إزاى أحبـــــك تانـــــي
وانت اللي كنت أنانــي
تعبتنــــي وهجـرتنـــي
ياريت بقــــى تنسانــي
إيه رجعــــك يا حـزين
ولَّا انت فِكــــــرك مين
هضعف لحــــب زمـان
من كلمــــه ولا اتنيـــن
يا حـرام صعبت عليـك
والحـزن بان في عنيك
معرفش اقـــولك إيـــه
غيـــــر ربنـــــا يهديــك
الحب مش عافيــــــــه
دا حنين وروح صافيـه
مش حب كان أوهـــام
بيجبلنـــــــــا الكافيَـــه
إرجــــع وعيش وانسـى
دا هواك ملوش مرســى
ياما عيشت فيه ويّـــاك
وعلى الحنــان تقســــى
مفيش كــــــــلام يتقـال
ولا عنـــــدي أي ســـؤال
بعـــد اللـي شوفته معاك
صدقنـــي يبقى محـــال
وانت بعـــــــيـد عنـــــي
كان قلبـــــي يوجعنــــي
مهما بكـــــيت م الآااااااه
كــــان ميــن بيسمعنـــي
روح رجَّــــــــع الأيـــــام
إسألـــــها ع الأحـــــــلام
يمكن في يوم تشتـــــاق
لحنينــــــــي بس ما دام
من ديوان حيـــــاة الروح
بقلم الشاعر محمود فوده
ليست هناك تعليقات:
إرسال تعليق