أنا صادق
ياكذاب أنا مش زيك
أنا إللي ف قلبي على لساني
عمري ما أقول يوم كلمة
وأرجع فيها من تاني
لا ليا في اللوع والكذب
وحياتي كلها إخلاص
وما عندي عداوة لحد
وحبي لكل الناس
بحب الناس تدعيلي
وترد الغيبة في سيرتي
وعمري ما أظلم يوم حد
ولو فيه مظلوم على رقبتي
ييجي يقولي مظلمتة
ونتعاتب سوى ونتحاسب
وأسامحه وهو يسامحني
يعجب ولا مش عاجب
بكده خلص الكلام عندي
وأبقى جيبت م الآخر
واللي مش عاجبة كلام مني
من فضله يبقى يتاخر
وهبه البوهي
ليست هناك تعليقات:
إرسال تعليق