# ليــــــه #
============
ليه يا دنيا كدا
يومنا أصبح مر
ليه الناس بتزرع الشوك
فى قلب الدر
وليه البراءة تسافر
من قلب البشر
والموج ليه يقتل الحر
ليه الدموع مكتوبه علينا
والنور فى وسط السما ليله يضر
واللى عايش فى وسط الزحام
عمال على كتافه يجر
والبراءة والوفاء
والمحبة بتفر
يا ناس بصرخ بعلو الصوت
يستحى الحجر من الصوت
والانسان بيسن سلاح الشر
...... *** ........
يا ناس دبل الورق ع الشجر
وماء السما ء
حلف م يمر
والخل باع خله
وكثر الهرج والمرج
وبالقرش والقرشين راح
ايوه راح الحبيب
زى ما راحت شجرة الدر
حتى عود القمح من كثر صبره
طرح مكانه الصبار المر
وعجبى من بشر
عرفوا الكورونا ولسه مستنين
الليل يمر
دا العيب فينا مش فى الزمان
ما احنا اللى زرعنا المر
==================
( صلاح الدسوقى سعد )
ليست هناك تعليقات:
إرسال تعليق