بعنيا أشوفك
********
بعنيا اشوفك وبقلبى اشوفك
وروحى دايما تكتب حروفك
طب ليه ياعمرى عايشة بخوفك
وانتى معايا اجمل حكاية
حتى النهاية وعارف ظروفك
ياوردة بلدى زارعها عندى
ولو شئ بيدى املك قطوفك
فى عنيا شايلك فاكر جمايلك
وازهر عطرك حامل عطوفك
يانجم عالى وقمر يلالى
فوق فى العلالى دايما بشوفك
باشتاق اليكى واسأل عليكى
وروحى تناديكى وامتى تلوفى
يانبع صافى وحضن دافى
دايما توافى وحبك شغوفى
حفرت اسمك وفى قلبى رسمك
والشوق ملازمك طلى وطوفى
يابنبوناية دايما معايه
وانتى اية قارى لحروفك
بعنيا اشوفك
وبقلبى اشوفك
وروحى دايما
تكتب حروفك
*********
جمال على الشرقاوى
شاعر العامية
مليج منوفية
ليست هناك تعليقات:
إرسال تعليق