*** إكتب يا قلم ***
مره قلت لقلمي إكتب
قاللي شاور ع الموضوع
قلت له إختار وحدد
حب عايش في الضلوع
ملوش رجوع
*. *. *.
قال ما تزودش همي
أغلى حب حب أمي
عايشه دايماً شايله همي
حبها ساكن في قلبي
خروج ممنوع
*. *. *.
حبيبتي وأغلى شيء عندي
بيزيد من جوايا همي
واكتر حاجه تعذب قلبي
لما اشوف دمعة عنيها
ببات موجوع
*. *. *.
كل الدنيا تبقى ملكي
لو تكون مبسوطه جنبي
ولو تغيب لحظه عني
تسود الدنيا ف عيوني
وتِطفىٰ الشموع
*. *. *.
مهما يكبر سنها
تلاقيني دايماً جنبها
مقدرش أبعد عنها
أعيش حياتي كلها
ليها خُضوع
*. *. *.
مليش في الدنيا غيرها
نبض قلبي وسر وجودي
مين اللي يوصل لحنينها
ياريت يا أيام تعودي
وتجف الدموع
*. *. *.
مهما كتبت مش هوفيلها
حاجه واحده من جمايلها
نقطة ميه ف نهر نيلها
لا حتزودها ولا تنقصها
حبها مطبوع
*. *. *. بقلمي فقير العطاء
منتصر عبد رب النبي *. *. *.
ليست هناك تعليقات:
إرسال تعليق