كتب الشاعر/ محمد عاشور ¥حبة رمل ¥

قصيدة شعر عامية
بقلم /محمد على عاشور
حبة رمل
فى حبة رمل
وبنوته
و موجة بحر بتغنى
خطفنى هدوؤها وخدودها
و وردايه فى خصلة شعر
تدوبنى.   .. تهدهدنى   
وتحضنى بلحظ جميل
ونن العين بياخدنى
هناااك لبعيد
لهمس الروح
الاقيها بتهمسلى و تلمسنى
ويدخل نبضها قلبى
فى حبة رمل
وبنوته 
و موجة بحر بتغنى
بورقة توت خفيت شوقى
بحبك موووت يا بت الايه
يا مالكه الفكر ويا القلب
بضحكاية كحبات سكر
ومنشوره على الشفه
وشعر يطير مع الخفة
يطير العقل وياها
ومش ناسى اناملها
تداعب شعرة من  راسى
بياضها لون بياض روحها
فى حبة رمل
و ضحكايه
وبنوته
و موجة بحر بتغنى
و فجر جديد