المربي الغير فاضل
٠😪😪😪😪😪
حدث هذا فى مدرسة عمر مكرم الثانوية بدمنهور –البحيرة في
في يوم الخميس 9 من يونيو 2016
@@@@@@@@@@@@@@@@@@
دخل ابني ( أحمد ) طالب الثانوية المسكين مع زملائه للجنة الإمتحان فى اليوم التالى لامتحان الثانوية الغامة (( بالغين )) لتأدية مادة الإحصاء الإضافية ( خارج المجموع ) وتدافع الطلبة للجلوس على مقاعدهم وهم يقرأون فى سريرتهم بعض آيات القرآن لتهدئة نفوسهم عاملين بنصيحة اهلهم وزويهم , وجلس أحمد على مقعده المخصص والمواجه لحائط اللجنة وبدأ يخرج أقلامه ومسطرته ويضعها أمامه على الطاولة إستعدادا لبدأ الإمتحان .
وبدء كلا المراقبين باللجنة توزيع كراسات الإجابة على الطلبة ومن ثم إلقاء التعليمات اليومية المعتادة للجميع كمثل ضرورة كتابة الإسم ورقم الجلوس بخط واضح ووووووووو.
وبدأ أحمد يكتب بياناته المطلوبة ويسطر كراسة الإجابة استعدادا وكسبا للوقت حتى تأتى اوراق الأسئلة .
وجاء مشرف الدور وهو رجل مسن أشيب الشعر وناول المراقبين أوراق الأسئلة واستدار عائدا للمشى خارج الفصل ... وقبل ان يترك اللجنة عاد بصورة فجائية وكأنما لدغته حية بين أوداجه الحمراء المنتفخة ونظر بعينين جاحظتين كعينى التنين الغاضب إلى الحائط أمام أحمد , ثم انقض على يده صارخا وهو يجذبه من مقعده :
--- تعالى لى ياحبيبى تعالى , إيه اللي انت مهببه ده ؟؟؟
---فيه أيه ياأستاذ ؟ أناعملت حاجة لحضرتك ؟؟؟
--- ايوه ياخويا استعبط استعبط , وهاتعملى عبيط كمان ؟ يومك اسود ان شاء الله ,
_ ياأستاذ .... هات لى محضر غش بسرعة ؟؟
وأمسك بكراسة الإجابة الخاصة بأحمد بمنتهى الشراسة وفركها بين أصابعه وهو يجره خارج اللجنة جرا ........!!!
أصيب أحمد بالذهول , ماذا فعل ؟ وماذا غش أو حاول الغش فيه وهو لم يمسك حتى بورقة الأسئلة بعد ؟؟؟ !!!!
تمالك أحمد أعصابه وبدأيسترد جأشه وأفاق من شدة الدهشة والتعب فقد حضر الى اللجنة ساهرا ولم يذق طعم النوم من يومين ثم نظر الى المعلم الفاضل وقال له بهدوء أعصاب :
--- ممكن أعرف ياأستاذ أنا عملت ايه عشان تشدنى من اللجنة قدام اصحابى وتحرجنى وتبوظ اعصابى بدون اي سبب ؟؟
----عاوز تعرف السبب ياخويا ؟؟
---من فضلك لو سمحت
جذبه من يده مرة أخرى ودخل به الى اللجنة حيث بدأ الطلبة فى الإجابة منذ خمس دقائق او اكثر , وأشار بيده الى الحائط أمام مقعد أحمد
---تقدر تفسر لى ايه ده ؟؟ مش قوانين دى ومعادلات مكتوبة ع الحيطة قدام سعادتك ياحبيبى ؟ ههههههههههه مين كتبها غيرك ان شاء الله ؟ ههههههههههههه فهمنى ياخويا يالا ...
ثم التفت الى المراقب بالفصل صارخا : قلت لك هات لى محضر غش للطالب ده ؟؟
ابتسم أحمد متمالكا أعصابه ثم قال :
معلش ياأستاذى الفاضل , ومن قال لك ان ده خطى والا حتى انى انا اللي كتبته ؟
-- هههههههههههه استعبط استعبط .... لا بقى ده خطك وانا واثق ان انت اللي كاتبه
-- طيب ايه رأي حضرتك ان الأقلام اللي معايا كلها اقلام زرقا سن رفيع وفلم رصاص وكل اللي مكتوب على الحيطة دى بأقلام خطوط عريضة سمراء وكمان اسأل اصحابى ان كنت كتبتهم ام لا وامتى كتبتهم اذا كان اصلا احنا بندخل اللجنة قدامكم يبقى عفريتى اللي جه بالليل وكتبهم والا ايه يعنى ؟؟
--- ههههههههههههه انت كمان بتتريق ؟ والله لاوريك واعمل لك محضر غش !!
-- لا معلش بقى ... ماتقدرش !!
-- ههههههههههههههههههههههههههه ؟؟؟
-- أيوه .... شوف ياأستاذى الفاضل
أولا ) إسأل اصحابى انا كتبتها ام لا ؟
رد الجميع بصوت واحد : لا ياأستاذ
-- ثانيا ) أنا شفت حضرتك واحنا داخلين انت اللي بتكتب ع الحيطة وعاوز تلبستى مصيبة عشان فيه بينى وبينك عداوة سابقة ؟؟
رد الأستاذ متعجبا وفاغرافاه :
ههههههههههه ماحصلش طبعا
--- اثبت لى ان حضرتك ماعملتش كده او اثبت لى انى انا اللي كتبت أو تفضل واعتذر لى فورا أمام اصحابى وهات لى كراسة اجابة بدل اللى كرمشتها لى وقطعتها لى بدون سبب لو سمحت
------- هههههههههههههههههههه ؟؟
--- وعلى فكرة عشان بس اثبت لك انى مش غشاش ولافكرت اصلا فى الغش ,أولا المادة دى اصلا اي اجابة هاننجح فيها مش محتاجة غش لأنها خارج المجموع وثانيا حضرتك اتهمتنى بالغش قبل ماامسك ورقة الأسئلة يعنى اصلا ماكتبتش ولا كلمة لاغش ولاغيره وثالثا اسأل الأساتذة المراقبين بتوع النهارده او المرة اللي فاتت ان كنت عملت اي شئ مخالف فى لجنة الامتحان ؟؟
وبالفعل القى الأستاذ المحترم والمربى الفاضل بالورقة على الطاولة امام احمد ونظر الى مراقبى اللجنة اللذان أشارا إليه بالموافقة على كلام احمد ومنطقه واستدار ليترك اللجنة وهنا ناداه أحمد :
--ياأستاذ من فضلك ورقة اجابة جديده !!
أومأ المربى الفاضل لمساعديه ليعطوا أحمد كراسة اجابة جديدة وانصرف يجر أذيال الخزى والعار بعد أن أضاع مايقرب من النصف ساعة من وقت الإمتحان على الطالب المسكين .
😪😪😪 تحية لمعلم الأجيال الفاشل
وتحية لأحمد ابنى الذى تمالك نفسه وتصرف تصرف الرجل الحكيم الناضج ولم ينهار أمام هذا المربى الذى نسى انه والد للطلبة قبل ان يكون مربيا ومعلما للأجيال .
ويحق لى ان أعيد صياغة كلمات أمير الشعراء أحمد شوقى الذى لوعاش لهذا الزمن لكتب ابياته كما يلى بدلا من ابياته القديمة :
قُــمْ لـلمعلّمِ وفه الدنانيرا جيب المعلم بالمال بات ثقيلا
أعلمتَ أقبح أو أذ لّ َّ من الذي
يـفنى ويهدم أنـفساً وعقولا؟
بالمال اضحى ذو الجهالة عالم
وذوى العقول تزاح بالتنكيلا
عجبا لزمن بات فيه معلمى
تمثال قبح للجمال بديلا
@@@@@@@@@@@@@@@
والأمر متروك لوزارة التهوية والتسريب
... والد أحمد المسكين
يوسف الخواجه
ليست هناك تعليقات:
إرسال تعليق