🔥الغد
ار🔥
سجال دويتو بقلم الشاعر الكبير د.سمير خليل والشاعرة أ.صفاء الخواجة
🍁🍁🍁🍁🍁🍁🍁
د. سمير
----------+++ فلك السَّكوت +++-----------
صَعَد الكلامُ حِبالَ أسْوارِ السُّكوتْ
قَطَف الجَواهِرَ مِن خُيوطِ العَنكَبوتْ
فتأبَّطَ الــقَــلمُ الفَصِيحُ بَيَــانـــهُ
عَبَرَ الخَواطِرَ داهِمًا حَرَمَ الصُّموتْ
صَرَخَ الأمانُ مُناشِدًا سِجْنَ الصَّدَى
هَرَبَ اللئيِمُ بِدُرَّتِى رَكِبَ اليُخوتْ
غَفَلَ الفَصِيحُ وساقَ ذَيْلَ حِصانِهِ
دَهَمَ اللسانَ فصارَ فى فَلكِ السُّكوتْ
أ.صفاء
صعب الكلام .. يتقال
ويا اللي طبعه من حجر
واللي قلبه .. بناره قاد
وبعمايله كتير غدر
يبقى أحلى بدون ملام
صمتنا ويا البشر
د. سمير
الكلام أصعب لكل غدَّار لعِين
غدرُه مبَرْطَع وبأدِيــه سِكِّين
وان يوم حَـد لامُـه على طبعُه
يُحُط صابعُه ... ف ودانُه لتنِين
أ. صفاء
يبقى سيبك .. منه أحسن
وانسى اسمه وانسى سيرته
وإن ف يوم جالك ولامك
خلي ضهرك ليه ف وشه
د. سمير
لو سابت الغادر أيادى طيبتنا
حيستحلى يخوض ف سيريتنا
وبخسة مزاجه ح يمشى ورانا
ويطعن قفانا ... وضهر وقفتنا
أ. صفاء
ليه نديله الفرصة ده غادر
خاين دايما لمحبتنا
نبعد عنه.. ولو يقابلنا
خسته عنه دي راح تبعدنا
د. سمير
الغدار فعلا ما يستاهلش مننا
فرص تانيه تقربه علي بُـعدنا
يا ما نكس على عَقِبِيه وخان
كل أمان ... قدِّمه ليه جمعنا
أ.صفاء
الغدار ده أساسه يخون
اقرب ناسه عليه بتهون
ندل. خسيس ويبيع والديه
يهرب م اللي بيطلب عون
د سمير
أساس العماره أمانها
وللبشر حسن أخلاقها
زى الطيور بأنواعها
تقع ... على أشكالها
أ. صفاء
عيني عليكم م. الغدار
ملهوش أي أساس غيار
يهبش .يهرب. من إخوانه
ولا أخلاق ولا عرض ودار
د. سمير
سلامة عينكم من الغدار
وريح شره مبعتَره الغبار
لما يهبش ويهرب رهوان
عَدْمان ... أمنُه واستقرار
أ. صفاء
عديم الأمن بسلامته
حرامي وغيته يفسد
وبين الناس بقى علامة
ويتمنوا في يوم يبعد
د. سمير
يا عينى على جمال طرحِـك
وواجب عليا التصفيق لشعرِك
ونا المُنتسِب لجامعتِك صفاء
مع الشعراء ... طُـلاب لعلمِـك
أ. صفاء
وأنت كبيرنا لوحدك جامعة
أستاذ فيها ما حد ينافسك
حرف وبحر وقيمة وسيما
يسلم يوم أنا فيه وعرفتك
🍁🍁🍁🍁🍁
سجال الغدار.
بقلم أ. صفاء الخواجة
بقلم د. سمير خليل
